موضوع: النطق بالحكم فى قضية هشام طلعت وسوزان تميم الخميس 21 مايو - 5:36
الحكم بإحالة أوراق هشام طلعت ومحسن السكري للمفتي في قضية مقتل سوزان تميم [ندعوك للتسجيل في المنتدى أو التعريف بنفسك لمعاينة هذه الصورة] هشام طلعت مصطفى
قضت محكمة جنوب القاهرة بإحالة أوراق محسن السكري المتهم الأول وهشام طلعت مصطفى المتهم الثانى إلى فضيلة المفتى لاستطلاع رأيه تمهيدا لإعدامهما وذلك لإدانتهما في قضية مقتل الفنانة اللبنانية سوزان تميم.
وحددت المحكمة جلسة 25 يونيو القادم للنطق بالحكم النهائي في اعدامها بعد تلقي الرأي الشرعي لفضيلة مفتي الجمهورية - وهو ليس رأي استشاري وليس ملزما لهيئة المحكمة - وقررت استمرار حبس المتهمين حتى ذلك الحين.
وعقب نطق المستشار محمدي قنصوة رئيس المحكمة بالحكم - الذي استغرق ثوان معدودة - سادت قاعة المحكمة حالة من الفوضى العارمة وانتابت اهالي المتهمين وبعض العاملين بشركات طلعت مصطفى حالة من الصراخ والعويل والبكاء الهستيري.
كما وقعت مشادات وتشابك بالايدي بين رجال الامن داخل القاعة وبين اهالي المتهمين والمحامين وكذلك مع رجال الاعلام المتواجدين بكثافة لتغطية الجلسة.
وفور النطق بالحكم قام رجال الامن بسحب المتهمين رجل الاعمال هشام طلعت مصطفى وضابط جهاز امن الدولة السابق محسن السكري.
وتمت الجلسة وسط استعدادات أمنية مشددة حيث بدأت منذ مساء الأربعاء بالقاهرة إجراءات تأمين منطقة المحكمة التي شهدت النطق بالحكم.
وبذلك تكون المحكمة قد أكدت ان مقتل سوزن تميم تم على يد محسن السكري بتحريض من رجل الأعمال وعضو مجلس الشورى هشام طلعت مصطفى.
كانت النيابة قد وجهت إلى المتهم محسن السكري تهمة القتل العمد وحيازة سلاح دون ترخيص ووجهت النيابة الى المتهم هشام طلعت تهمة التحريض على القتل.
كانت السلطات الأمنية بالقاهرة قد بدأت فى نشر حوالي 7 ألاف مجند وعسكري بمنطقة المحكمة، كما تم التنسيق مع قطاع مصلحة السجون بوزارة الداخلية على خروج 3 سيارات تأمين للمتهمين أثناء حضورهما من السجن حيث تم وضع رجل الأعمال هشام طلعت مصطفى فى سيارة بمفرده أثناء خروجه والمتهم الثاني محسن السكري فى سيارة أخرى وتأمينهما بـ3 سيارات اخري.
وطلبت أجهزة الأمن بالقاهرة من الصحفيين ووكالات الإنباء وقنوات التليفزيون من التواجد أمام مقر المحكمة لتنظيم عملية الدخول من الساعة الرابعة فجر الخميس ولمن يسمح بدخول أى إعلامي قاعة المحكمة بعد ساعة من هذا الوقت.
كما بدأت أسرة المجني عليها فى التوافد يوم الأربعاء الى القاهرة من دبى لحضور جلسة النطق بالحكم وعدد من المحامين الأجانب.
وشهدت البورصة المصرية الأربعاء حالة من الترقب والحذر استعدادا لمعرفة خبر القضية نظرا لوجود عدد كبير من المتعاملين على أسهم شركات طلعت مصطفى فى البورصة. وفى شركات هشام طلعت وعدت الادارة جميع العاملين بالشركة انه فى حالة صدور حكم بالبراة لهشام طلعت سيتم صرف مبلغ 500 جنية مكافأة لكل العاملين
كابتن هانى مشرف سابقا
42
26/12/2008
موضوع: رد: النطق بالحكم فى قضية هشام طلعت وسوزان تميم الخميس 21 مايو - 6:08
اشكرك سيادة المستشار على طرح هذا الموضوع مع انى احد موظفى الشركة التى يمتلكها المهندس هشام طلعت بس بجد انا حزين جدا وكان نفسى يطلع براءة وانتهز فرصة كتابتك لهذا الموضوع واسال سيادتكم سؤال هل ممكن حدوث المعجزة فى النقض ام سوف يتم تاييد الحكم فى انتظار الاجابة بفارغ الصبر ولسيادتكم جزيل الشكر
زائر زائر
موضوع: رد: النطق بالحكم فى قضية هشام طلعت وسوزان تميم الخميس 21 مايو - 6:43
كابتن هانى انا فوجئت بهذا الخبر مفاجاه شديده لانى مكنتش متخيل انه فعلا ممكن يكون ارتكب الجريمه دى لانه مع الاسف مش عارف النعمه الكبيره اللى هو فيها راجل زى ده اته الله المال والجاه والسلطه والصحه والعزوه والوجاهه يضيع كل ده عشااااااااااااااااااااااان................مع الاسف حسبها غلط غلط اجمل واحلى وارق بنات فى الدنيا بتشوفهم فى هيلتون رمسيس وجراند حياه والفور سيزون اللى هو نسبه فيه والانتركنتننتال والقرى السياحيه فى الساحل الشمالى والغردقه والشرم وممكن يكونوا اجمل منها بكتير يتمنوا بس يسلم عليهم هشام طلعت هو ملقاش غير دى اللى كلها قلق ومشاكل وامن قومى ومخابرات ورؤساء دول ويحطها فى دماغه ويعمل كده ؟ يبقى هو محسبهاش صح واطمنك يا برنس انه مش كل اللى بيتحول للمفتى بيتعدم ومش كل اللى ياخد حكم احاله بيتايد عليه فى النقض حكم النقض لا يوقف تنفيذ اى حكم الا الاعدام فقط وحيحاولوا بكل الطرق قبول الطعن بالنقض شكلا والغاء حكم او ل درجه موضوعا وحيحاولو يشتروا محامين وقضاه وناس وحيحاولوا انهم يشتروا ذمم ورحم الله محمد اقبال الشاعر الباكستانى عندما كتب حديث الروح لام كلثوم وكتب فيها اذا الايمان ضاع فلا امان ولا دنيا لمن لم يحىى دينا ومن رضى الحياة بغير دين فقد جعل الفناء لها قرينا وفى التوحيد للامم اتحاد ولم تبنوا العلا متفرقين واختتم القصيده بقوله وفوق الكل رحمن رحيم اله واحد رب الانام
كابتن هانى مشرف سابقا
42
26/12/2008
موضوع: رد: النطق بالحكم فى قضية هشام طلعت وسوزان تميم الخميس 21 مايو - 7:52
شكرا سيادة المستشار على اهتمامك بالموضوع واجابتك على سؤالى
اللى حيرنى من الصبح وكلنا مش مصدقين ان المهندس هشام صاحب الجاه والسلطة والنفوذ والوجاهة الاجتماعية يتصرف هذا التصرف بس احنا ذنبنا ايه موظفين وعمال ومقاولين الشركة المملوكة له اقصد الراجل ده لو اتعدم واو اتحبس اكثر من 3 مليون شاب بيشتغلو معاه هايكون مصيرهم ايه بعد ما يتنفذ عليه الحكم وانا واحد منهم
واقصد كمان ان الراجل ده قضى على نص مشكلة البطالة فى مصر ان لم تكن تزيد وحيث ان ان الراجل ده ها يتنفذ فيه الحكم اذا مشكلة البطالة ها ترجع تانى وبدل ما تبقى جريمة واحدة ها تبقى 3 مليون جريمة لذك التمس من عدالة المحكمة اطلاق صراح هذ ا الباش مهندس المذنب نظرا لان الله جعله سببا فى فتح بيوت ناس غلابة كتييييييييييييييييير غلابة واشكر سعة صدر المحكمة واسف على الاطالة والسلام عليكم ورحمة الله وبركاته
زائر زائر
موضوع: رد: النطق بالحكم فى قضية هشام طلعت وسوزان تميم الخميس 21 مايو - 12:22
هههههههههههههههههههههههههههه لسه النطق بالحكم النهائى من محكمة الجنيات يوم 25/6/2009 بعد اخذ راى فضية المفتى وانت عارف انه راى فضيلة المفتى غير ملزم لعدالة المحكمه فنحن امام جنايه او قضية راى عام كما ان راى فضيلة المفتى ليس نهاية القضيه فهناك طعن بالنقض كما ذكرت ولكن اود ان اسالك انت بتشتغل فى اى فرع فى شركاته انا لما كنت بشتغل فى الاسماعيليه السنة اللى فاتت كنت دايما امر من طريق السويس وادخل مدينة الشروق عشان الزحمه اللى عند العبور وكنت اعدى من ناحية مدينتى انت فاكر الموضوع اللى انا كتبته عن مدينتى ياريت الاداره تطلعه ونقراه قرائه متانيه وتحليليه ونشوف الراجل ده زى ما انت بتقول ولا ايه واشكر لك يا كابتن هانى ولائك لرئيسك فى العمل وحرصك على الناس اللى بتشتغل هناك واحب ان اطمنك انه حتى لو نفذ الحكم عليه الارزاق بيد الله وكمان مش حتتقفل الشركات بتاعته لانه ليه ورثه يقول النبى صلى الله عليه وسلم لا يزال المسلم فى فسحه من دينه ما لم يصب دما حراما
كابتن هانى مشرف سابقا
42
26/12/2008
موضوع: رد: النطق بالحكم فى قضية هشام طلعت وسوزان تميم الخميس 21 مايو - 13:45
والله يا سيادة المستشا ر انا فى فرع الاسكندرية وانا انشاء هادور على الموضوع بتاع سيادتك وهاقراه بتمعن شديد واشكرك على المعلومات اللى تهمنى جدااااا وشكرا جزيلا سيادة المستشار
shaza عضو ذهبى
36
02/05/2009
موضوع: رد: النطق بالحكم فى قضية هشام طلعت وسوزان تميم الجمعة 22 مايو - 10:32
ياجماعة كل دة كويس ومحدش قال حاجة وهو اللى ضيع نفسه بغباءه وجريه ورا الستات من قتل يقتل ولو بعد حين شوفوا منظرها ازاى؟ وبعد دة كله عايزينه يطلع براءة ومتخافش ياكابتن هانى الارزاق على الله مش هشام طلعت مصطفى وبعدين الورثة موجودين
كابتن هانى مشرف سابقا
42
26/12/2008
موضوع: رد: النطق بالحكم فى قضية هشام طلعت وسوزان تميم الجمعة 22 مايو - 12:25
يا ستى انا عارف ان الارزاق على الله وهى تستاهل اكتر من كدة لان دى نهاية طبيعية ليها طبعا وعلى راى سيادة المستشار كلها قلق هو فيه واحدة فى الدنيا كلها تتجوز خمسين واحد على العموم ربنا يرحمنا جميعا وبعد كدة انا مش خايف على نفسى انا شايل هم الناس التانيين اللى ما يعرفوش يشتغلو غير فى الشركة دى ده غير طبعا انه بيعمل خير كتير من مساعدات للناس الغير قادرين وغيرو وغيرو ربنا يرحمنا جميعا
الجمعة 5 فبراير - 15:43 من طرف 
موضوع: النطق بالحكم فى قضية هشام طلعت وسوزان تميم 
