هى فعلا المعايير إختلفت يعنى أنا مثلا قبل 20 سنه كنت عشان ابعت جواب لحبيبتى اللى عندها 13 سنه كان لازم الاول اقعد افكر طول الليل فى اللى هكتبه وبعدين اقوم وش الفجر اكتبه بعد ما اكون سمعت كل اغانى عبد الحليم ثم استنى صاحبتها عشان اديها الجواب اللى هتسلمهولها يدا بيد فى المدرسه و يا سلام لو كانت صاحبتها مؤذيه مثلا وعاوزه تفركش الحكايه مفيش اسهل من كده ولازم استنى تانى يوم عشان تبعت الرد وتقوللى امتى هنتقابل وكانت شغلانه يعلم بيها ربنا مكنتش بنام من الحب انما دلوقتى الحب دردشه على النت ساعه وللا مكالمه على الموبيل 7 دقايق أو لو مش طايق نفسك تبعت SMS و تصبحى على خير و خلصت الحكايه و صباحو بقى عشان عندنا شغل .. و خلصوا انتوا كمان عشان انا زهقت . سلام