احنا نبينا كده من ضلعنا نابت
لامن سماهم وقع ولا من مره شابت
ولا انخسف له القمر ولاالنجوم غابت
ابوه صعيدي وفهم قام طلعه ظابط
ظبط على قدنا وع المزاج ظابط
فاجومي من جنسنا مالوش مره سابت
فلاح قليل الحيا اذا الكلاب عابت
ولا يطاطيش للعدا مهما السهام صابت
عمل حاجات معجزه وحاجات كثير خابت
وعاش ومات وسطنا على طبعنا ثابت
وان كان جرح قلبنا كل الجراح طابت
ولا يطولوه العدا مهمها الامور جابت