قلتلك انى معجب بيكى

قولتلِك أنا مُعجب بيكى
ومُنايا أدخُل لياليكى
من فتره انا مستنيكى
وكان باين ف عنيكى
نفس الإحساس كان فيكى
تراضينى بشوق واراضيكى



أديكى معاد وتجينى
وساعات إنتى تواعدينى
آجى اقابلك وتقابلينى
مهموم كُنتى تواسينى
مجروح سنك يداوينى
مبسوط ...
تزيدينى وتفرحينى
من قلبك وتصالحينى
ع الدنيا وطمنينى



لما باغيب تطلُبينى
تسألى عنى تعاتبينى
من غير ما تجرحينى
ولا مَره زعلتينى
مش كده بقى بتحبينى ؟
وتباتى الليل تناجينى ؟
وساكن فى ننى عنيكى
وعَز عليكى تفاتحينى
قولتلك أنا معجب بيكى
ما تقولى وتشَجَعينى


آجى واتقدم ليكى
إيه رأيِك رَيَحينى
مش كده بقى بتحبينى
ولا ده وهم يخلينى
أسكُت
واتلهى على عينى
مع تحياتى
الغواص