من اغرب الناس

بسم الله الرحمن الرحيم
السلام عليكم ورحمه الله وبركاته

[ندعوك للتسجيل في المنتدى أو التعريف بنفسك لمعاينة هذا الرابط]


في التلات سنين اللي فاتو شفت العجب
ههههههههههههههه

اه والله شفت تركيبات غريبه جدا
بس العدد الاكبر كانت السنادي بصراحه
شفت ناس كدابين وشفت ناس نصابين
وشفت ناس تضحك في وشك وتعيبك من وراك
وشفت ناس بتوع مصلحتها
وشفت ناس متحبش ان حد يكون احسن منها
وفي النقطه بتاعه الناس اللي متحبش ان حد يكون احسن منها
حسيت انه فيه منهم نوعين

النوع الاول اللي ميحبكش احسن منه بس من غير ميضرك
وده بيعتمد علي مجهوده فانه يعديك
(حاجه كده زي المنافسه الشريفه)

يعني انه يكون احسن منك فعلا مثلا في المذاكره او كده
النوع التاني بجد مقرف
وده النوع اللي تحس انه بيشدك لتحت
علشان هو يظهرويكون احسن منك

وده ممكن يعمل اي حاجه علشان متبنش احسن منه
ممكن يكدب، يزور ويغش
وممكن يكعبلك بأي حاجه علشان متعديش
اهو اذيه والسلام
ربنا يبعد عننا وعنكم ولاد الحرام

النوع التاني ده متهيالي بيبقي مريض
يعني عنده نقص او خلل في شخصيته
وده اللي بيخليه
يقلل من اللي قدامه بدل مايرفع من نفسه
انا عارفه ان الكلام ده متكرر
بس افتكرت حاجه خليتني عايزه اكتب

وبعتذر لو الكلام مش واضح
بس مكنتش حقدر اوضح اكتر من كده دلوقت
وبعدين الامتحانات لازم تسيب بصمتها عالواحد برضه
ربنا يستر ويعدي الايام اللي جايه علي خير