موضوع لكل الفاشلين(ممنوع دخول الناجحين بجد)

مشرف منتدى الصور 28 05/09/2009

السلام عليكم ورحمة الله وبركاته

بسم الله الرحمن الرحيم
طبعا انا عارفك يا لى بتقف بالماوس على الموضوع علشان تعرف فيه بس

صدقنى هايكون فيه حاجة ممكن تفتحلك ولو شعاع نور صغير فا ماتقفلوش.
[ندعوك للتسجيل في المنتدى أو التعريف بنفسك لمعاينة هذه الصورة]
كانوا بيقولوا ان الفشل اول طريق النجاح ودا عرفته بعدين وانت كمان طول ماانت ماشى
معانا هاترعفه ان دا كلام صحيح دا مش بس كلام

خلى بالك دا مش موضوع تعدى عليه وخلاص دا تعب ومجهود مش دا مجهود ياعمى سعيد

ندخل في الموضوع علطول.

مادام دخلت الموضوع دا تبقى زى حالاتنا فاشل
يافاشل يافاشل
نتكلم بجد شوية
[ندعوك للتسجيل في المنتدى أو التعريف بنفسك لمعاينة هذه الصورة]
ياترى انت نفسك فى ايه قول واحنا نحققلك احلامك

لو حد قالك الكلام دا ممكن تصدقه؟

وليه لاء؟
طبعا انت بتقول انا فاشل
بس انا باقولك ياراجل لا بلاش الكلام اى نعم احنا كلنا عارفين دا بس بلاش تصدم نفسك

بيقول محمد مسعودى في كتابه كن ايجابيا "ابحث عن التغيير الايجابى داخل ذاتك لماذا تقبع في مكانك لماذا ترضى ان تسير مع او خلف هذا الجموع مطئطىء الرؤس دون ان يكون لك وجود .....عليك ان تؤمن انك تملك طاقات ابداعية فعالة تستطيع ان تحقق من خلالها الكثير من الانجازات الرائعة"

هو مستحيل انك تحقق احلامك انت شايفها كدا صح

انا عارف ان مافيش اى كلام هاينفع ويخليك تغير موقفك انا عارف ياعم ومجرب
مافيش شغل ولا فى فلوس ولا فى اى حاجة تدعو للتفائل ولا تنمية بشرية ولابرمجة لغوية ولا اى جنى حتى يقدر يخرجنا من الحالة المنيلة دى انا مجرب انت هاتقولى

بس في حاجة اخير ممكن نعملها وليه لاء مادام هيه كدا كدا مافيهاش عمار ولافيها فايدة مش هاتفرق لما نجرب حاجة اخيرة
هاتقولى هانفشل هاقولك ايه الجديد ياعم يعنى احنا دلوقتى ناجحين ما هو احنا مبلطين في الفشل يعنى مش هانخسر حاجة لما نجرب.
طبعا هاتسالنى وتقولى نجرب ايه؟
هاوقلك مش عارف بس يلا نشوف

انا كنت باكلم واحد صاحبى ربنا موسعها عليه وماشاء الله عقبالكوا كدا بيدرس علم نفس عن سر النجاح وازاى انجح في انى الاقى شغل او انجح في الدراسة او الناس اللى بتنجح في حياتهم وعلاقاتهم بيعملوا ايه.

فقالى : بص يامان انت مش هارغى كتير بس شوف اللى نجحوا نجحوا ازاى واتعلم منهم اى باللغة الفصحى والكلام الكبير صغ من كل نجاح قوانين عامة لكى تصل بك الى المراد
طبعا بغض النظر انا فهمت اللى قالوا ولا لاء [ندعوك للتسجيل في المنتدى أو التعريف بنفسك لمعاينة هذه الصورة]
بس قولت نجرب وليه لاء احنا ولايهمنا[ندعوك للتسجيل في المنتدى أو التعريف بنفسك لمعاينة هذه الصورة]

وقلت يلا نبدأ فلقيت واحد خطير جدا كان اشهر علماء زمانه وكان رجال نبغة ودى اجزاء من حياته
ودى من قصص النجاح والتفوق لشخص من اشخاص حفروا اسمهم على كتاب التاريخ
[ندعوك للتسجيل في المنتدى أو التعريف بنفسك لمعاينة هذه الصورة]
هو اسمه الحسين ابن عبد الله بن على بن سينا ولقبه الشيخ الرئيس
الراجل دا كان ابوه والى بخارى يعنى العملية مزهزهة والاشية معدن يعنى لو احنا منه كنا نمنا وعشنا حياتنا بالطول والعرض انما هو كان شديد الفضول بالعلم والعلماء الذين ياتون الى منزل والده وعندما بلغ 10 سنوات كان قد حفظ القران الكريم وتعلم اللغة العربية
بل وطلب من والده ان يدرس الفقه وبعد ان الم بالفقه كان حزينا فسأله والده عن السر فقال لابوه انه يريد ان يدرس حساب الهند وان الخوارزمى كتب كتاب عن الرياضيات يريد ان يقرأه لكنه لايجده فدله ابوه الى احد اصحابه ولما علم هذا الرجل بشغف ابن سينا للعلم فقرر ان يدرس له الرياضيات واتمها وتجب مدرسه منه وما اكتفاش بكدا
فكان في يوم جاء الى المدينة رجل اسمه عبد الناتلى وهو فقيه في الفلسفة والمنطق والرياضيات والطبيعة فألح على ابوم ان يستضيفه ليعلمه وكان سنه صغيرا فقال له ابوه ان تلك الاشياء صعبة على الكبار اصلا فهمها فما بال الصغار
ولكن ياترى ايه اللى حصل دا اللى هانعرفه وهاتشوفوا الراجل دا قدر يوصل لايه .بعد مانشوف رايكوا لحد هنا ونكمل بعدين
ولكن عاوزين نحط شوية قوانين هنا وهى
1-اذا كان هناك امامك تل تريد ان تتسلقه فلا تظن ان الانتظار سيجعله ينخفض لك او يصبح حجمه اقل ابدا من الان ولا تنتظر فالوقت لاينتظر احد
2-لاجدوى من قولك انا ابذل قصارى جهدى عليك ان تنجح في فعل ماهو لازم "تشرشل" ما تبررش فشلك اعرف انت غلطت في ايه وحاول تانى وتالت لحد ماتنجح
[ندعوك للتسجيل في المنتدى أو التعريف بنفسك لمعاينة هذه الصورة]

من لايهوى صعود الجبال...... يعيش ابد الدهر بين الحفر

3-كان العالم ابراهام ماسلو العالم النفسى يعالج احد الاشخاص الذي يعتقد انه جثة فقال له هل الميت ينزف فقال له فوخزه بدبوس فنزف فقال الرجل الان عرفت ان الجثة تنزف (ابراهيم الفقى) انت سجين اعتقاداتك لو مقتنع انك فاشل ومؤمن بدا عمرك ماهتنجح حتى لو لقيت المصباح السحرى .
4-لاتخف من الوصول الى الكمال فلن تصل اليه ابدا يعنى لو انت قلت انا عملت اللى عليه كدا اهو دا انا كدا رضا والفشل مش منى يبقى انت غلطان راجع تصرفاتك شوف افعالك فعلا توصلك للى انت عاوزه ولا لا يعنى لو انت رايح اسكندرية تمسى في طريق السويس وتسوق وتتعب وتقول انا تعبت على الاخر وعملت اللى عليا لازم اوصل بقى لسكندرية طب ازاى انت ماوجهتش مجهودك للمكان الصح.
طول ما انت متوكل على الله وبتعمل وبتتقن عملك وبتحسن الظن بالله صدقنى هتلاقى كل الخير

مشرف منتدى الصور 28 05/09/2009

[ندعوك للتسجيل في المنتدى أو التعريف بنفسك لمعاينة هذه الصورة]
مفيش حد فاشل خالص
[ندعوك للتسجيل في المنتدى أو التعريف بنفسك لمعاينة هذه الصورة]

المراقب العام 49 27/07/2009

بديته كلام في كلام ونهيته حكم
من لايهوى صعود الجبال...... يعيش ابد الدهر بين الحفر
كلام جميل كلام معقول مقدرش اقول حاجه عته
-لاتخف من الوصول الى الكمال فلن تصل اليه ابدا
حقيقه لا يمكن ان نغفل عنها
بس يا ستي كما قلتي الفشل البدايه الحقيقه للنجاح
يا.......
متفوقه يا ناجحه ديما يارب
بس انا اول الفاشلين ياستي ولا تزعلي

عضو ذهبى 04/08/2008

شكرا على الفشل الكتير ده

وربنا يكفينا شر الفشل

أنا مش فاشل الحمد لله أنا مش عارف أحدد بس أنا أيه

أنا مش انا

مشرف منتدى الصور 28 05/09/2009

هههههههههههههه
شكراً لرأيكما الجميــــــــــــــــــل
و يا رب دايما ناجحين
و اكيد مفيش حد بينجح الا اذا جرب الفشل
و الا عمره ما هينجح
و لا ايه

» أداب دخول المنتديات من الألف إلى الياء /
» فى كل يوم غادى موضوع
» لمن ارداور دخول الجنه