أنواع الرجـــــــــــــــــــــــــــــــال

[b][center]ياكثرهم .. لا قلت لك .. عرفة وجيه =وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه =ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه =ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه =ورجل ٍ .. يجي طاريه في كل حـزه

ورجلٍ يهزه .. بعض موقف ويشقيه =ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه =ورجلٍ .. كلام اعداه مايستفـزه

ورجلٍ .. تلزه يعترف لك .. بخافيه =ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه =ورجلٍ .. يزعّل من يحاول ، يـوزه

ورجلٍ تكزه لا زم انك توصيه =ورجلٍ .. بليّا ما توصيـه .. كـزه

من لا فرش للمرجله ماتغطيه =ومن لايخز .. الناس .. محدٍ يخـزه

ان كنت تعرفني فهي .. عرفة وجيه =مو شرط لك بالقلب قدر .. ومعـزه


للشاعر خلف مشعان العنزي

ما فهمت الكلام كتير بس لي فهمتو انو بالرجال في هيك وهيك ...في العصبي وفي الهادي فيه الراضي ومش راضي اهي الدنيا كلها هيك....على فكرة بالستات كمان.هههههه