كابتن هانى
مشرف سابقا
 42
26/12/2008
 |  موضوع: بمناسبة موسم الامتحانات... قبل الكل امتحان 2009  الجمعة 6 فبراير - 14:03 | |
|
امتحان دور يناير ( الراعي الرسمي اتصالات اهلا)
2009
الاسم:اكتب اسم ابن خالة ابن عمك والجريل فريند بتاعته:....(10 درجات لو بنت مصرية).
رقم موبيلك بعد وقبل التحويل طبعا لاتصالات :.......(20 درجة لو 011)
رقم البيت:......(مافيش درجات طبعا لانه لازم هيكون تبع المصرية للاتصالات , هو فيه غيرها؟ ربنا يخليهالنا, بتقربنا كلنا)
الإيميل:....... .... ...... السيبر المفضل:....(20 درجة لو حجرة الوسائط بالمدرسه التابع لها بفرض النظر عن مااذا كنت تعرفها او لأ)
رقم عضويتك في الحزب الوطني:........( 150 درجه)
الموقع المفضل:......(20 درجة لو موقع الحكومه الالكترونيه).
مقاس الحذاء وماركته:....(50 درجه لو صناعه محليه)
نوع القلم المستخدم:.....(اللي طبعا هيتاخد منك بعد الامتحان علشان الساده المصححين).
السؤال الأول:اختار من بين الأقواس الكلام الصح:
1- حنان ترك اتحجبت يعني........... . (لبست جزمة - لبست ساعة - لبست ايشرب)
2- اللي بنى هرم خوفو........... . ..(طلعت مصطفى - المقاولون العرب - مقاول عادي - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج
صباح الخير ............ (يا ماما - يا بابا - يا خالو - يا ريس - يا مصر)
5 - مصر هى أمي نيلها جوا...........( بطني - رجلي - جيبي - دمي)
السؤال الثاني:أكمل الجمل الآتية بكلام م الآخر:
1- انتبه من فضلك السيارة ترجع إلى............ ......... ...
2- ماما زمنها.......... .. .......
3- من خلال تجاربك السابقة...البام برز استيك منه............ .
4- طلعت أدّب نزلت أدّب لقيت الدب بيأزز.......... ..
5- اسم والد اللاعب وائل جمعة الحاج..........
السؤال الثالث:ضع علامة Nike أو علامة غلط أمام الكلام الجاي:
1- بابا فين؟؟ ..بابا هنا..قوله مين؟؟ قوله عمو
2- اللي بيته من سيراميك ميحدفش الناس بالبلاط
3- شاي الجوهرة حتة سكرة
4- يحكم مصر النظام الملكي
السؤال الرابع: صحح الخطأ بالعبارات الاتيه:
1-الشرطة في خدمة الشعب.
2-الرئيس القادم ممكن يكون اي حد.
السؤال الخامس: علل صحة العبارات التالية:
1-قرار تغيير الشعار القديم ليكون الشعب والامومه (جمع أمة) في خدمة الحكومه.
2-قرار الغالبية من الشعب بالانضمام للحزب الوطني.
3-سهولة الحصول علي رغيف العيش.
في النهاية يرجي التصفيق الحاد للسيد العبقري واضع الامتحان
وحياتك انت هتلاقي اللي هيسقف ( الهتيفه طبعا)
[/u] | |
|
زائر
زائر
| | موضوع: رد: بمناسبة موسم الامتحانات... قبل الكل امتحان 2009 الجمعة 6 فبراير - 17:53 | |
| الله الله ع المستقبل باين فى عيون كل ولادنا |
|
